ಆ ಪ್ರತಿಗಳನ್ನು (copies) ಆಯಾ ಚುನಾವಣೆಗಳ ದಿನಾಂಕ ಘೋಷಣೆಯಾದಾಗ www.prajaakeeya.org ವೆಬ್ಸೈಟ್ಗೆ ಅಪ್ಲೋಡ್ ಮಾಡಬೇಕು ಮತ್ತು ಸಂದರ್ಶನಕ್ಕೆ ಕರೆದಾಗ ಮೂಲ (original) ಪ್ರತಿಗಳನ್ನು ಪರಿಶೀಲನೆಗಾಗಿ ತರಬೇಕು

ನೀವು (ಬಹುಜನರ ಬೇಡಿಕೆ ಪ್ರಕಾರ) ಬಯಸುವ ಅಭ್ಯರ್ಥಿಗೆ UPP ಪಕ್ಷ ಟಿಕೆಟ್ ನೀಡುತ್ತದೆ (Selection) (ಆಯ್ಕೆ).... ಮುಂದೆ ನಡೆಯುವ ಚುನಾವಣೆಯಲ್ಲಿ ಆ ಅಭ್ಯರ್ಥಿಯನ್ನು ನೀವೇ ಚುನಾಯಿಸುತ್ತೀರಿ (Election) (ಚುನಾವಣೆ).... (ಚುನಾವಣೆಯಲ್ಲಿ ಏನಾದರೂ ವಿಭಿನ್ನ ಫಲಿತಾಂಶದ ಗೋಲ್ಮಾಲ್ ಆದರೂ ಅದೂ ನಿಮ್ಮ ಗಮನಕ್ಕೆ ಬರುತ್ತದೆ)
ನಂತರ ಚುನಾಯಿತ ಅಭ್ಯರ್ಥಿ ನಿಮ್ಮ ಬೇಡಿಕೆಗಳ ಆಜ್ಞೆಗಳನ್ನು ಈಡೇರಿಸಲು (UPP ಪಕ್ಷದ SOP) ಪಕ್ಷದ ನಿರ್ಧಿಷ್ಟ ಕಾರ್ಯ ವೈಖರಿ ವಿಧಾನದ ಪ್ರಕಾರ ಕೆಲಸ ಮಾಡಬೇಕು.

ಆರು ತಿಂಗಳಿಗೊಮ್ಮೆ ಸರಳ ಪಾರದರ್ಶಕ ವಿಧಾನದ ರೀತಿ ಅಭ್ಯರ್ಥಿ ಹಾಗೂ ಪಕ್ಷ ನಡೆಸುವ ಜನಾಬಿಪ್ರಾಯದ ಪೋಲಿಂಗ್ನಲ್ಲಿ ಆತ / ಆಕೆಯ ಕೆಲಸದಬಗ್ಗೆ ಅಸಮಾಧಾನವಿದ್ದರೆ ನೀವೇ ಅಭ್ಯರ್ಥಿಗೆ ಒಂದು (Correction) (ತಿದ್ದುಪಡಿ) ತಿದ್ದಿಕೊಳ್ಳಲು ಅವಕಾಶ ಕೊಡಬಹುದು... ನಂತರ ನಡೆಯುವ ಪೋಲಿಂಗ್ನಲ್ಲೂ ನಿಮಗೆ ಅಭ್ಯರ್ಥಿಯ ಕೆಲಸ ಇಷ್ಟವಾಗದಿದ್ದರೆ ಅವನನ್ನು ನೀವು ತಿರಸ್ಕರಿಸಬಹುದು (Rejection) (ತಿರಸ್ಕಾರ)..... (ಇದಕ್ಕೆ ನಮ್ಮ ಸಂವಿಧಾನದಲ್ಲಿ ಅವಕಾಶ ಇಲ್ಲದಿರುವುದರಿಂದ) ಇದಕ್ಕಾಗಿ, ಪಕ್ಷದ ಅಧ್ಯಕ್ಷನಾದ ನನ್ನ ಜೊತೆ ಒಂದು ಹೋರಾಟವೇ ಮಾಡಿ ಅನರ್ಹ ಶಾಸಕನನ್ನು ತಿರಸ್ಕರಿಸುವ ಕಾನೂನು ಸಂವಿಧಾನದಲ್ಲಿ ಬರುವಂತೆಯೂ ತಾವು ಮಾಡಬಹುದು.....

ಅಭ್ಯರ್ಥಿಯ ಕೆಲಸ ತಮಗೆ ಇಷ್ಟವಾದರೆ ಪೋಲಿಂಗ್ ನಲ್ಲಿ ಆತ ಉನ್ನತ ಹುದ್ದೆ ಯಲ್ಲಿ ಕೆಲಸ ಮಾಡಲು (promotion) (ಪುರಸ್ಕಾರ) ನೀವೇ ನಿರ್ಧಾರವನ್ನೂ ಮಾಡಬಹುದು. ಈ ರೀತಿ ನಿಮ್ಮ ಕಷ್ಟಾರ್ಜಿತ ತೆರಿಗೆ ಹಣ, ನಿಮ್ಮ ನಿಮ್ಮ ಮಕ್ಕಳ ಭವಿಷ್ಯ ರೂಪಿಸುವ ಸರ್ಕಾರದ, ಆಡಳಿತದ, ಕಾನೂನಿನ ಪ್ರತಿಯೊಂದು ಪ್ರಕ್ರಿಯೆಯಲ್ಲಿಯೂ ನೀವು ಭಾಗವಹಿಸಿದಾಗ, ಮುಂದಾಳತ್ವ ವಹಿಸಿದಾಗ ಮಾತ್ರ ನಿಮ್ಮ ಉಜ್ವಲ ಭವಿಷ್ಯಕ್ಕೆ ನೀವೇ ನಾಂದಿ ಹಾಡುತ್ತೀರಿ ಮತ್ತು ನಿಜವಾದ ಸ್ವತಂತ್ರ್ಯ ಭಾರತದ ಪ್ರಜಾಪ್ರಭುತ್ವದ ಸವಿಯನ್ನು ನೀವೇ ನಾಯಕರಂತೆ ಭಾಗವಹಿಸುವುದರ ಮುಖಾಂತರ ಅದರ ಸುಖವನ್ನೂ ಅನುಭವಿಸುತ್ತೀರಿ.

ಜೈ ಪ್ರಜಾಕೀಯ,
ಉಪೇಂದ್ರ